MANILA, Philippines- Paiigtingin ng Government of the Philippines (GPH) at ng Moro Islamic Liberation Front (MILF) ang kanilang ugnayan matapos ang nangyaring engkwentro sa pagitan ng militar at armadong grupo ng MILF sa Sumisip, Basilan.
“The incident is a reminder for all parties, that respect, level-headedness, and empathy are essential in arriving at a solution that is just and principled for all,” ang sinabi ng GPH Peace Implementing Panel sa isang kalatas.
“To this end, the Parties, with our peace mechanisms endeavor to intensify our ground engagements, close coordination, and open dialogue to maintain the same degree of trust and confidence at the higher level, which we have carefully nurtured for years to bring just and lasting peace in the Bangsamoro,” dagdag nito.
Sa ulat, patay ang dalawang sundalo habang pito pa ang sugatan matapos ang nangyaring engkwentro sa pagitan ng militar at armadong grupo ng Moro Islamic Liberation Front (MILF) sa probinsya ng Basilan.
Ito ang kinumpirma ni 101st Brigade Commander BGen. Alvin Luzon na sinabing ang insidente ay resulta ng miscoordination.
Ang sagupaan ay naganap pasado alas-4 ng hapon, ilang sandali matapos ang pagbisita ng mga kinatawan ng United Nations Development Programme (UNDP) sa Upper Cabengbeng, Sumisip, Basilan.
Ayon kay Luzon, ang mga sundalo ay kasapi ng 32nd Infantry Battalion ng Philippine Army na bahagi ng security ng mga kinatawan ng UNDP na may development project sa lugar.
Nakikipag-ugnayan na ngayon ang militar sa mga pinuno ng MILF sa Basilan kaugnay sa nangyaring insidente. Kris Jose