CAGAYAN DE ORO CITY, Philippines – Sinuspinde ng Moro Islamic Liberation Front (MILF) ang kanilang base commander sa Maguindanao dahil umano sa paglabag sa mga patakaran ng grupo.
Ipinagutos ni MILF Chair Al Haj Murad Ebrahim ang suspensyon ni Abdulwahid Tundok, kumander ng 118th Base Command ng Bangsamoro Islamic Armed Forces.
“You are hereby suspended indefinitely from your post in the MILF effective immediately,” saad nito.
Ayon kay Ebrahim lumabag si Tundok sa “command and organizational discipline” sa hindi pagsunod sa memorandum ukol sa hindi paglahok sa mga aktibidad ng gobyerno na unilateral implementation ng peace deal.
Ang kopya ng suspensyon ay pinadala din sa Bangsamoro Islamic Armed Forces (BIAF) chief of staff at MILF Central Committee secretary.
Hindi binanggit ni Ebrahim ang anumang partikular na pangyayari na naisip ni Tandok na bumubuo ng isang paglabag sa kanyang naunang utos. RNT/MND
