MANILA, Philippines — Hinimok ni Senator-judge Panfilo Lacson ang kapwa niya senator-judges na maging maingat sa pagtatanong sa impeachment trial ni Vice President Sara Duterte, dahil ang mga tanong na hindi umano kaugnay sa kaso ay nagpapabagal sa pagdinig.
Ayon kay Lacson, may ilang tanong na hindi na konektado sa impeachment at nagdudulot lamang ng hindi kailangang pagkaantala.
“With all due respect to my colleagues, sometimes we are the ones slowing down the proceedings. Because sometimes the questions being asked in the impeachment trial are not relevant, why are they being inserted?” aniya.
“The presiding officer has been accommodating and has shown respect to our colleagues. I think we should be mature enough to discern what questions we can ask to clarify matters we do not understand,” dagdag pa niya.
Sinabi rin ni Lacson na posibleng nagmumula sa emosyon o personal na panig ang ilang hindi kaugnay na tanong, kaya dapat manatiling obhetibo ang mga senator-judges.
Iminungkahi rin niya ang regular na caucus ng mga senator-judges upang mapaalalahanan ang bawat isa tungkol sa tamang asal at mga angkop na tanong sa pagdinig.
Binigyang-diin ni Lacson na mabagal pa rin ang takbo ng impeachment trial kahit binawasan na ng prosecution ang listahan ng mga testigo. Aniya, kung tatlong araw lamang kada linggo ang pagdinig, maaaring umabot pa ito hanggang unang bahagi ng 2027.
“In fairness to the vice president, she is entitled to a speedy trial.”
Sa ngayon, siyam pa lamang sa 92 nakatakdang araw ng pagdinig ang naisagawa mula nang magsimula ang impeachment trial noong Hulyo 6. RNT/MDS
