CEBU CITY- PATAY ang isang caretaker farm matapos pagsasaksakin at hampasin sa ulo ng barbell ng poultry boy, iniulat kahapon sa bayan ng Balamban.
Kinilala ang biktimang si Marjun Andaya, nasa hustong gulang at stay-in caretaker sa Red Cave Poultry Farm sa Brgy. Biasong, Balamban.
Tugis naman ng pulisya ang suspek na kinilalang si Wen Bie De Lima, nasa hustong gulang at taga Tabango, Leyte.
Batay sa report ng Balamban Police Station, bandang 5:30AM ng maganap ang krimen sa loob ng farm ng naturang lugar.
Lumabas sa imbestigasyon ng pulisya, nagkaroon ng hindi pagkakaunawaan ang dalawang hanggang sa kumuha ng barbell ang suspek at pinaghahataw ng biktima.
Hindi pa nakuntento ang suspek at kumuha pa ito ng kutsilyo saka pinagsasaksak sa iba’t ibang parte ng katawan ang biktima na naging sanhi ng agaran nitong kamatayan.
Matapos ang krimen mabilis na tumakas ang suspek sa hindi malamang direksyon.
Nabatid, na may pending warrant of arrest sa kasong murder sa Tabango, Leyte at kasong Robbery sa Bacoor, Cavite ang suspek./Mary Anne Sapico
