ILOCOS SUR-Hindi na nagawang makauwi pa nang buhay sa kanilang bahay ang isang 45-anyos na lalaki matapos pagbabarilin habang naglalakad sa barangay road sa Panay Sur, Magsingal ng lalawigang ito kagabi.
Kinilala ang biktima na si Alfredo Ugale y Tacazon, walang asawa, residente ng Brgy. Panay Norte ng naturang bayan.
Mag-isang naglalakad sa kalsada ang biktima nang biglang sumulpot sa kanyang likuran ang isang lalaki at walang-awang pinagbabaril ang biktima.
Matapos na pagbabarilin ang biktima, agad na tumakas ang suspek.
Isinugod sa ospital ang biktima ngunit hindi na siya nakayang isalba ng umatending doktor dahil sa dami ng tama ng bala ng baril na ibinaon sa katawan nito.
Patuloy ang ginagawang imbestigasyon ng mga otoridad tungkol dito.
Nabatid na may person of interest na ang Magsingal MPS sa naturang krimen. Rolando S. Gamoso
