MANILA, Philippines – Isinama ni Pangulong Ferdinand Marcos Jr. ang pitong parcels o piraso ng lupain na may 69,490 square meters sa Barangays Arpili ar Buanoy sa Balamban, Cebu sa umiiral na West Cebu Industrial Park – Special Economic Zone.
Ito ay ayon sa Proclamation 1105 na may petsang December 4 at inilathala sa Official Gazette website nitong weekend.
Ang pagkakasama ng karagdagang parcel ng lupain sa West Cebu Industrial Park – Special Economic Zone ay “subject to the provisions of Republic Act 7916 or the 1995 Special Economic Zone Act and the Philippine Economic Zone Authority (PEZA) board of directors Resolution No. 22-117, series of 2022.”
Ang West Cebu Estate ay matatagpuan sa western coast ng Cebu at kilala bilang shipbuilding capital ng Pilipinas.
Ang 540-hectare special economic zone ay itinatag noong 1992. Ito ay joint venture ng Aboitiz Group at Tsuneishi Holdings ng Japan.
Ang ay ecozone ay tahanan ng ilang global companies na nag-employ ng 14,000 skilled Filipino workers sa medium hanggang heavy industries.
Sa Barangay Arpili, ang karagdagang parcel ng lupain ay saklaw ng land titles Lot 4-A Sk-07-000192 TCT No. 113-2024000343 at Lot 1770 Sk-07-000190, TCT No. 113-2024000072.
Sa Barangay Buanoy, ang kasamang parcel ng lupain ay saklaw ng limang land titles: Lot 1437-A-2-A-2 Sk-07-000191 TCT No. 113-2014000144; Lot 1437-A-2-B-2 Sk-07-000193 TCT No. 113-2014000351; Lot 1437-A-2-C-2 Sk-07-000191 TCT No. 113-2014000146; Lot 1686 Sk-07-000313 TCT No. 113-2025000701; at Lot 1695 Sk-07-000186 TCT No. 1132024000260. (KRIS JOSE)
