ALBAY, Philippnes – Naitala ng Philippine Institute of Volcanology and Seismology (Phivolcs) ang lava fountaining sa Mayon Volcano noong Biyernes ng gabi.
Ayon sa Phivolcs, naganap ito bandang 8:23 p.m. at 8:40 p.m., na nagdulot ng ash clouds na umabot sa 400 metro ang taas bago tinangay pa-kanlurang timog.
Dagdag pa ng ahensya, nagpapatuloy na sa ika-82 araw ang effusive eruption ng bulkan, na nagbubunga ng pagdaloy ng lava, pyroclastic density currents o “uson,” at pagguho ng bato.
Nananatili ang Alert Level 3 sa Mayon Volcano, at mahigpit na ipinagbabawal ang pagpasok sa loob ng 6-kilometrong Permanent Danger Zone. RNT/MND
