MANILA, Philippines – Iginiit ni Naga City Mayor Leni Robredo na hindi na magbabago ang kanyang desisyon na hindi tumakbo sa national office para sa 2028 elections.
Ayon kay Robredo, nakapagdesisyon na siya bago pa man ito tumakbong mayor noong nakaraang halalan.
“It’s been a closed decision for a long time. Nothing will change it. That’s one thing I settled even before I ran for mayor: that I will not use my stint here as a stepping stone, something that I would just do temporarily while waiting for the 2028 elections,” sinabi ni Robredo.
“When I ran for mayor, that was part of my decision, that I will no longer leave Naga. Even if I decide later on that I will no longer serve as mayor, I won’t return to any national post,” dagdag pa niya.
Matatandaan na lumabas sa huling survey ng OCTA Research Group na lumiit ang pagitan ng iskor nina Robredo at Vice President Sara Duterte para sa 2028 presidential matchup.
Ani Robredo, tatapusin niya ang kanyang serbisyo sa gobyerno sa Naga.
Batid din umano niya ang mga sariling pagkukulang.
Bagamat marami umanong humihikayat sa kanya para tumakbo sa 2028 presidential elections, sinabi ni Robredo na wala nang makakapagpabago sa kanyang isip.
Nilinaw din nito na walang tinalakay kaugnay sa eleksyon kasama si Transportation Secretary Vince Dizon at Pangulong Ferdinand Marcos Jr., na bumisita sa Naga kamakailan. RNT/JGC
