MANILA, Philippines – Mananatili muli bilang House Minority Leader sa 20th Congress si 4Ps Party-list Rep. Marcelino “Nonoy” Libanan.
Sa isinagawang caucus ay nakuha ni Libanan ang suporta ng 29 minority members.
Si Libanan ay nagsilbi rin bilang House Minority Leader sa 19th Congress.
Kasama sa bubuo ng Minorya ng Kamara sina Edgar Erice (Caloocan, 2nd District); Presley De Jesus (PHILRECA);Sergio Dagooc (APEC); Jonathan Clement Abalos II (4Ps); Stephen James Tan (Samar, 1st District); Leila De Lima (Mamayang Liberal);Percival Cendaña (Akbayan); Antonio Tinio (ACT Teachers); Jesus Suntay (Quezon City, 4th District); Christopher “Sheen” Gonzales (Eastern Samar, Lone District); Jose Manuel Diokno (Akbayan); Renee Louise Co (Kabataan);Roberto Gerard Nazal Jr. (Bagong Henerasyon); Jernie Jett Nisay (Pusong Pinoy); Niko Raul Daza (Northern Samar, 1st District); Allan Ty (LPGMA); Cielo Krisel Lagman-Luistro (Albay, 1st District); Terry Ridon (Bicol Saro); Arlene “Kaka” Bag-ao (Dinagat Islands, Lone District);Dadah Kiram Ismula (Akbayan); Elijah San Fernando (Kamanggagawa);Jan Rurik Padiernos (Galing sa Puso);Florabel Yatco (Nanay); Arlyn Ayon (Swerte);Nicanor Briones (AGAP);Audrey Zubiri (Bukidnon, 3rd District); Reynolds Michael Tan (Samar, 2nd District);Rachel Marguerite Del Mar (Cebu City, 1st District) at Paolo Henry Marcoleta (SAGIP).
Sa naging botohan sa Speakership ay 34 mambabatas ang nag-abstain o hindi pumabor sa liderato ni House Speaker Martin Romualdez gayunpaman, hindi ito awtomatikong naging miyembro ng Minority Bloc bagkus ay mananatili itong independent.
Kabilang sa magiging independent ay ang 3 unang naging matunog na pangalan sa Speakership race, kabilang dito sina Navotas Rep.Toby Tiangco; Cebu Rep. Duke Frasco at Bacolod Rep. Albee Benitez. Gail Mendoza
