Libo-libong ipinagbabawal na kagamitan nasamsam sa Manila, QC cemeteries

MANILA, Philippines- Nakumpiska ng mga pulis ang libo-libong ipinagbabawal na kagamitan sa mga bisita sa sementeryo sa Maynila at Quezon City nitong Undas o All Saints’ Day, araw ng Biyernes.

Kabilang sa mga nasabat na kontrabando ang matutulis na patalim, lighter, posporo, sigarilyo, vape, plastic cards, at iba pa.

Batay sa datos mula sa Manila at Quezon City Police Districts hanggang nitong Biyernes ng hapon, may kabuuang 1,217 ipinagbabawal na kagamitan ang nakumpiska sa Manila North Cemetery; 946 sa Manila South Cemetery; at  sa Quezon City.

Ayon sa mga pulis, nasa 840,000 bisita ang na-monitor sa Manila North Cemetery at halos 76,300 sa Manila South Cemetery.

Samantala, sa Quezon City, narito ang bilang ng crowd estimate sa ilang sementeryo:

• Himlayang Pilipino Cemetery – 9,159

• Recuerdo Cemetery – 2,000

• Holy Cross Cemetery/Manila Memorial Park – 4,189

• Bagbag Public Cemetery – 9,497

• Nova Public Cemetery – 1,748

Batay sa Philippine Red Cross (PRC), 143 volunteers at emergency medical service (EMS) units ang gumamot sa mga indibidwal na may “minor bruises, sprains, and superficial burns” sa mga sementeryo at mga terminal.

Nakaranas din ang ilang bisita at biyahero ng heat exhaustion, pagkahilo, at hyperventilation.

“Accidents can happen any time, any place,” giit ng PRC.

“That’s why our dedicated volunteers and staff in the PRC are on alert day and night during Undas to make sure people visiting their loved ones at cemeteries and those traveling with their families across the country are given proper medical care,” dagdag nito. RNT/SA