MANILA, Philippines- Isang lalaking pinuno umano ng Bulaga Drug Group ang naaresto sa isinagawang buy-bust operation sa Bacoor City, Cavite.
Kinilala ang naaresto na nasa listaan ng High Value Individuals (HVI) at team leader ng Bulaga Drug Group na si alyas Robert, residente ng Brgy. San Nicolas kasama si alyas Arturo, na nasa listahan ng Street Level Individuals (SLI).
Ayon sa report, bandang alas-12:50 ng madaling araw kahapon nang magsagawa ng buy-bust operation ang mga operatiba ng Drug Enforcement Unit (DEU) ng Bacoor City Police Station sa Cuneta compound, na nagresulta sa pagkakaaresto kina alyas Robert at Arturo.
Narekober sa kanila ang humigit-kumulang dalawang gramo ng hinihinalang shabu na may standard drug price na P13,600 at buy-bust money. Margie Bautista
