MANILA, Philippines – ARESTADO ang isang hinihinalang lider ng “Trono” criminal group makaraang madakip ng mga operatiba ng Quezon City Police District (QCPD) noong Lunes Pebrero 17.
Kinilala ng pulisya ang nadakip na suspek na si Joshua Trono, residente ng Barangay Gulod, Quezon City.
Ayon sa pulisya si Trono ay nadakip sa Calavite St., Brgy. Paang Bundok batay sa warrant of arrest para sa kasong frustrated murder na inisyu ng Branch 215 ng Quezon City Regional Trial Court (RTC).
Batay sa Investigation Solution Automatic Verification (ISAV) system, si Trono ay may mga kaso ng pagnanakaw na ginawa noong Enero 2022, frustrated homicide noong Pebrero 2022, robbery noong 2015 at 2024, reckless imprudence resulting to damage to property and homicide sa loob ng area ng Novaliches Police Station 4. (Santi Celario)
