MANILA, Philippines – Binawi ng Philippine Contractors Accreditation Board (PCAB) ang lisensya ng siyam na construction firms na pagmamay-ari ni Sarah Discaya matapos aminin nito sa Senate hearing na hawak niya ang mga kumpanyang lumahok sa bidding ng mga proyekto ng gobyerno.
Sa Resolution No. 075 (2025), sinabi ng PCAB na ipinakita ng pag-amin ni Discaya ang sabwatan sa joint bidding upang manipulahin ang resulta at makorner ang mga proyekto, na labag sa procurement laws at sumisira sa transparency.
Kabilang sa mga tinanggalan ng lisensya ang:
-St. Gerrard Construction Gen. Contractor & Dev’t Corporation
-Alpha & Omega Gen. Contractor & Dev’t Corporation
-St. Timothy Construction Corporation
-Amethyst Horizon Builders and Gen.Contractor & Dev’t Corp.
-St. Matthew General Contractor & Development Corporation
-Great Pacific Builders and General Contractor, Inc.
-YPR General Contractor and Construction Supply, Inc.
-Way Maker OPC
-Elite General Contractor and Development Corp.
Giit ng PCAB, laban sa interes ng publiko at integridad ng industriya ang patuloy na accreditation ng mga ito. Ipapaabot din ang kaso sa DOJ at NBI para sa posibleng pananagutang kriminal. RNT
