MANILA, Philippines – Maaring masuspinde o mabawi ang lisensya ng mga doktor na napatunayang tumanggap ng mga regalo mula sa mga pharmaceutical company kapalit ng pagrereseta ng ilang produkto , sinabi ng isang opisyal ng Department of Health (DOH).
Ayon kay DOH Assistant Secretary Albert Domingo, iniimbestigahan ng DOH ang mga alegasyon ng scheme at sinabing maaaring magpataw ng mga parusa ang Professional Regulation Commission (PRC) sa mga maling miyembro ng medical profession.
Nauna nang ibinunyag ng health advocate na si Dr. Anthony Leachon na ilang doktor umano ang nagrereseta ng gamot mula sa ilang pharmaceutical company kapalit ng mga mamahaling sasakyan o mamahaling regalo.
Sinabi ni Domingo na maaaring magtungo ang mga concerned citizen sa Field Regulatory Operations Office ng Food and Drug Administration para iulat ang insidenteng ito.
Sinabi ng DOH na sa circular nitong Martes, na ang pagtanggap ng mga regalo o mga katulad nito mula sa mga kumpanya kapalit ng mga aksyon na makikinabang sa kanila ay hindi etikal.
“The Department of Health strictly reminds all doctors, nurses, medical professionals, and DOH personnel in all medical centers, hospitals, and medical facilities regulated by the DOH that the acceptance of gifts, grants, or emoluments from Biopharmaceutical companies or members of the industry, in exchange of any act benefiting such company or member of the industry is unethical,” sa ng DOH. (Jocelyn Tabangcura-Domenden)
