Manila, Philippines – May mga na-amuse sa IG post ng behind the scene photos ng Thai singer-actor na si Bright Vachirawit ng kanyang music video na may titulong “Long Showers.”
Sa post niya, makikita si Liza Soberano bilang kanyang leading lady.
May litrato rin silang dalawa na tila naliligo sa shower.
Umani naman ito ng samu’t-saring reaksyon sa netizens.
Hirit ng iba, may chemistry daw ang ex ni Enrique Gil at ang Thai heartthrob na nakilala noon sa BL series na 2gether: The Series, katambal si Win Metawin.
Sey pa ng kibitzers, bagay daw ang dalawa.
Dagdag pa nila, babu na raw ang actress sa kanyang pa-wholesome image.
May mga nagmamaldita namang nagsabing matched daw sila dahil pareho sila ng kapalaran.
Matatandaang naging nega rin ang image ni Bright sa media nang aminin niya noong huminto siya sa paggawa ng BL dahil nasasakal siya sa love team culture sa kanilang bansa.
Sa kaso naman ni Liza, ang rason kaya niya bet na magkaroon ng international career ay dahil gusto rin niyang makawala sa pagkakakulong sa love team.
Ito ang iba’t-ibang komento ng netizens.
“In fairness, bagay sila.”
“International talaga si Liza, she’s everywhere: Hollywood, South Korea, Singapore, Thailand.
Anywhere but Philippines.”
“Pareho sila ng kapalaran. Hate ng BL fans si Bright dahil sa pagsuka niya sa love team nila ni Win.”
“They deserve each other.”
“Akala ko ba, ayaw niya ng ka-love team.”
“Nagpapaka-daring na si ateng.”
“At least, nag-iingay pa rin si Liza.” Archie Liao
