MANILA, Philippines- Arestado ang isang 70-anyos na lalaki matapos matuklasan ng mga gwardiya ang shabu na nakatago sa diaper ng kanyang apo sa routine inspection nang bumisita sila sa Nueva Ecija Provincial Jail.
Binibisita ng suspek, residente ng Barangay San Juan ACCFA, Cabanatuan City ang kanyang anak sa kulungan.
Karga niya ang kanyang apo nang sumailalim sila sa routine body inspection. Habang isinasagawa ito, nadiskubre ng mga gwardiya ang tinatayang isang gramo ng shabu na nakatago sa diaper ng bata.
Agad dinala ang suspek sa Cabanatuan City Police Station at kinasuhan.
Dinala naman ang hinihinalang shabu na nagkakahalaga ng halos P6,800 sa crime laboratory para sa pagsusuri.
Ibinalik na ang bata sa kanyang mga magulang. RNT/SA
