MANILA, Philippines – Nahaharap sa reklamong malversation at two counts ng graft sa Office of the Ombudsman si Surigao del Norte Rep. Lalo Matugas at anak nitong dating mambabatas na si Bingo Matugas kaugnay sa hindi tinapos na P80.61 milyong road project.
Ayon kay Assistant Ombudsman Mico Clavano nitong Biyernes, Agosto 28, ang reklamo ay nag-ugat sa Mahihay-Tuburan Road project sa Del Carmen, Surigao del Norte, na sinertipikahang kumpleto at fully paid kahit na nasa 65% hanggang 70% lamang itong tapos.
“The findings here show that they still have pecuniary interest or financial interest in contracts funded by Congress. This is a conflict of interest,” ani Clavano sa pulong balitaan.
Dahil ang reklamo ay naihain na, hindi na haharap sa preliminary investigation ang mag-amang Matugas kung saan sila hihilingin na magpasa ng counter-affidavit para kontrahin ang reklamo.
“Members of Congress should not benefit from government contracts,” dagdag ni Clavano.
Wala pang tugon ang mag-amang Matugas kaugnay nito. RNT/JGC
