BACOLOD CITY- Patay ang mag-asawang senior nang bumangga ang sinasakyan nilang motorsiklo sa isang pickup truck sa Purok Violetas, Barangay Balingasag, Bago City, Negros Occidental nitong Miyerkules ng umaga.
Kinilala ng mga pulis ang biktimang si Alex Ortega, 60, at kanyang asawang si Cecilia, 65.
Base sa imbestigasyon, tumatawid ang motorsiklo ng mga biktima sa highway nang bumangga ito sa sasakyang minamaneho ng isang 38-anyos na residente ng Cadiz City, Negros Occidental.
Tumilapon ang mag-asawa sa kalsada at dinala sa ospital kung saan sila idineklarang patay dahil sa serious injuries. RNT/SA
