MANILA, Philippines — Mariing itinanggi nina Senador Mark Villar at Senadora Camille Villar ang alegasyong nakialam sila sa alignment at implementasyon ng Light Rail Transit (LRT) Line 1 Cavite Extension project.
Sa inilabas na pahayag nitong Miyerkules, sinabi ni Camille Villar na wala siyang naging partisipasyon sa anumang talakayan o proseso kaugnay ng proyekto.
“I deny any allegation that I intervened, influenced, or obstructed the alignment or implementation of the LRT-1 Extension Project. I have not had any participation in any discussion, deliberation, or meeting relating to the LRT-1 extension project, either in my personal capacity or as a Senator,” aniya.
Sinabi rin ni Camille na bukas siya sa anumang imbestigasyon kaugnay ng usapin.
“I welcome any fair and impartial investigation into this matter because I am confident that the facts will establish that I have acted within the bounds of my duties as a public servant,” dagdag niya.
Samantala, itinanggi rin ni Senador Mark Villar, dating kalihim ng Department of Public Works and Highways (DPWH), ang alegasyong siya ay humadlang o nagpatagal sa pagpapatupad ng proyekto.
“I vehemently deny allegations that I delayed or blocked the implementation of the LRT-1 extension project. I have never used my position for personal gain. My track record speaks for itself,” ani Mark Villar.
Nagpahayag din siya ng kahandaang makipagtulungan sa anumang lehitimong imbestigasyon.
Iniulat na iniimbestigahan ng Office of the Ombudsman ang alegasyong nakialam ang magkapatid na Villar sa alignment ng LRT-1 Cavite Extension project.
Saklaw ng unang yugto ng proyekto ang pagdurugtong ng Baclaran Station sa Pasay City hanggang Dr. Santos Station sa Parañaque City sa pamamagitan ng limang bagong estasyon: Redemptorist-ASEANA, MIA Road, PITX, Ninoy Aquino Avenue, at Dr. Santos.
Samantala, kabilang sa ikalawa at ikatlong yugto ng proyekto sa bahagi ng Cavite ang pagtatayo ng mga estasyon sa Las Piñas, Zapote, at Niog. RNT
