MANILA, Philippines — Desidido ang Magnolia Hotshots lalong lalo na si Calvin Abueva na bumawi sa San Miguel Beermen matapos silang patikimin ng dalawang sunod na pagkatalo sa kanilang race-to-4 duel sa PBA Season 48 Commissioner’s Cup Finals.
Sa Game 1 nalasap agad Hotshots ang bagsik ng SMB at tinambakan sila sa iskor na,103-95 at sinubukan uli nilang bumawi sa Game 2, subalit nasawi ang Hotshots at muli silang tinalo ng Beermen sa iskor 109-85.
Sa Miyerkules sa Game 3, inaasahang babawi ang Magnolia at kung sakaling mabigo ay malaki ang posibilidad na makuha na ng Beermen ang korona.
Napatunayang hindi napigilan si Bennie Boatwright ng mga defender ng Magnolia, na gumawa ng lahat ng uri ng mga shot sa isang 34-point, 10-rebound, five-assist stats-line.
Napakainit ni Boatwright at pinatikim niya ang Hotshots ng kanyang pitong naisalpak na three-point bomb.
Sa pangkalahatan, gumawa ang SMB ng 16 mula sa kabila ng arko, kabilang ang nakakagulat na dalawa mula kay June Mar Fajardo.
Ang nangungunang lokal ng Beermen – sina Fajardo (19-14-4 kasama ang dalawang bloke) at CJ Perez (20-6-4 kasama ang limang steals) – ay naghatid din ng big-time upang gawin itong ganap na dominasyon.
Sina Marcio Lassiter, na may 11, at Jericho Cruz, na may 10, ay na-round out ang double-digit scorers ng SMB.
Bukod sa opensa, pambihira rin ang ipinakikitang depensa ng Beermen.
Binusalan ng Beermen ang Magnolia reinforcement na si Tyler Bey sa 22 sa 8-of-22 shooting at pinayagan lamang ang dalawa pa – sina Mark Barroca (11) at Russel Escoto (10) – na magtapos sa twin figures.
Pinangunahan ni boatwright ang seven-triple barrage sa opening quarter para isulong ang SMB sa maagang 31-16 na kalamangan.JC
