MANILA, Philippines – Binaril-patay ang isang 36-anyos na magsasaka habang naghahanap ng signal ng cellphone sa bulubunduking lugar sa Barangay Maguibuay, Tagkawayan, Quezon nitong Sabado ng gabi, Agosto 17.
Kinilala ang biktima na si Jayson Decena Dalma, ng Barangay Maguibuay.
Sa imbestigasyon, napag-alaman na iniwan ng biktima ang kanyang mga kaibigan habang nag-iinuman para maghanap ng signal ng cellphone.
Bigla na lamang dumating ang isang lalaki at binaril ang biktima gamit ang caliber. 45 pistol.
Dead on the spot si Dalma.
Agad na tumakas ang suspek patungo sa masukal na bahagi ng barangay.
Nagsasagawa na ng follow-up investigation ang mga awtoridad. RNT/JGC
