MANILA, Philippines – PINANINDIGAN ng Malakanyang na hindi inatake ng mga armado ang Senado noong nakaraang linggo para arestuhin di umano si Senador Ronald dela Rosa.
“Was it under attack? It was not. The Senate was not under attack, you can see that in the news. It was a statement only by Senate President Alan Cayetano,” ang sinabi ni Presidential Communications Office Undersecretary and Palace Press Officer Claire Castro sa press briefing sa Malakanyang.
Matatandaang, iginiit din ni Cayetano na inatake ng mga armado ang Senado noong Miyerkules at hindi gawa-gawa lang para makaalis si Dela Rosa.
“The Senate was under attack,” emosyonal na sabi ng senador. “All of you — your lives were in danger last night. I know it’s your job to ask a question but you will tell me kapag may nagpaputok, hindi under attack yun? My god, we’re a democracy. This is the Senate of the Philippines.”
Base umano sa paunang imbestigasyon mula sa Department of the Interior Local Government (DILG), sa 32 putok ng baril, 27 ang nanggaling sa mga tauhan ng security personnel ng Senado o ang OSAA.
Ang OSAA umano ang unang nagpaputok ng “warning shot” pero gumanti ng putok ang armadong grupo.
“Kapag sinabi na kami muna ang nagpapaputok at umatras sila o sinabing guard sila ng GSIS, sabihin niyo baka ito ay gawa-gawa lang,” ani Cayetano.
“Pero nag-caucus kami dito. Hinihintay ang Articles of Impeachment… Napakagaling ko naman mag-orchestrate nang lahat ng ‘yan. Kaya ko papuntahin dito mga armadong grupo,'” dagdag niya.
Kung tutuusin umano, madali namang makaalis ng Senado si Dela Rosa dahil wala namang arrest warrant laban sa kaniya.
“If Sen. Bato and I wanted to plan him going out, it’s very simple, sumakay siya sa kotse ko and I’ll bring hime out. Hindi naman siya under arrest eh,” paliwanag ng senador. KRIS JOSE
