MANILA, Philippines – Tiniyak ng Armed Forces of the Philippines (AFP) ang patuloy nitong presensya sa Malampaya gas field, na tinukoy bilang “lifeline” ng seguridad sa enerhiya ng bansa.
“Malampaya is not just an installation, it is a lifeline of our energy security, the AFP’s message is clear, we protect what powers the nation, our presence there is not symbolic, it’s operational,” ayon kay AFP spokesperson Col. Francel Margareth Padilla.
Idinagdag niya na handa ang mga yunit ng AFP upang pigilan ang anumang banta sa mahalagang pasilidad na ito.
Binigyang-diin ang kahalagahan ng Malampaya noong Enero 23 nang magsagawa ng aerial patrol si AFP Chief Gen. Romeo Brawner Jr.
Ang pagkakatuklas ng Malampaya East-1, na tinatayang may 98 bilyong cubic feet ng gas, ang unang milestone ng Phase 4 drilling campaign, kasama ang Camago-2, Camago-3, at Bagong Pag-asa wells.
Pinamumunuan ang proyekto ng SC3A consortium na binubuo ng Prime Energy, UC38, PNOC Exploration Corporation, at Prime Oil & Gas Inc. Dave Baluyot
