MANILA, Philippines – Hinimok ni Parañaque 2nd District Rep. Brian Raymund Yamsuan ang Philhealth na maglunsad ng malawak kampanya ukol sa financial protection at iba pang benepisyo na maaaring pakinabang ng mga Pilipino sa ilalim ng national health insurance program ng gobyerno.
Ayon sa kongresista maraming Pinoy ang nananatiling kulang ang kaalaman sa mga benepisyo na maaari nilang makuha sa Philhealth bilang mga miembro lalo pa’t may mandato na lahat ay kailangang maging bahagi ng Philhealth sa ilalim ng Universal Health Care Law.
“In Parañaque, for instance, many of our kababayans do not know that they can benefit from Phillhealth benefits like YAKAP (Yaman ng Kalusugan) where they can get access to free consultations, and P20,000 worth of medicines every year,” giit ni Yamsuan.
Si Yamsuan na miembro ng House contingent sa bicameral conference committee ay nagbahagi ng manipestasyon sa , made the manifestation during the deliberations on the proposed budget of the Department of Health (DOH).
Sinuportahan naman ni Senador Erwin Tulfo ang manipestasyon ni Yamsuan sa pagsasabing dapat ipaalam ng Philhealth sa lahat ng Pilipino ang mga benepisyong dapat tanggapin o makuha mula sa ahensya.
Sa pinakahuling pag-aaral ukol sa YAKAP lumalabas na ang kaalaman ng mga Pinoy ay limitado lamang sa kung ano ang Philhealth ngunit hindi sa kabuuang components o registration procedures para sa mga outpatient package.
“This is a laudable initiative of our President (Ferdinand R. Marcos Jr.), which, however, many Filipinos do not know about. Kung alam man nila na may YAKAP, hindi nila alam kung saang YAKAP accredited clinic pupunta, o kung saang YAKAP accredited pharmacy makakakuha ng libreng gamot,” ayon kay Yamsuan.
Mungkahi pa ng kongresista na gamitin ng Philhealth ang social media at ang pakikipagkordonasyon sa local government units (LGUs) para sa community-based information drives sa benepisyo na iniaalok ng Philhealth.
Naunang pinalawak ng YAKAP ang Konsulta program ng Philhealth upang maisama dito ang free access sa medical consultations at mga laboratory tests, cancer screenings, at libreng gamot hanggang sa halagang P20,000 kada taon.
“A weak information campaign defeats the Philhealth’s purpose of making quality healthcare accessible and affordable to every Filipino,” dagdag pa ni Yamsuan. (Meliza Maluntag)
