MANILA, Philippines — Iminungkahi ng isang mambabatas ang pagpapaikli ng operating hours ng mga mall bilang bahagi ng pagtitipid sa enerhiya sa gitna ng krisis sa Middle East.
Naghain ng resolusyon si Davao Oriental 2nd District Rep. Cheeno Miguel Almario na humihimok sa Department of Trade and Industry, Department of Energy, at mga lokal na pamahalaan na pag-aralan ang posibleng pagpapatupad nito.
“We cannot wait until the full impact reaches Filipino consumers. Proactive conservation measures can help soften the blow of rising fuel costs,” ayon kay Almario.
Ayon pa sa kanya, ang pagbawas ng dalawa hanggang tatlong oras sa operasyon ng mga mall kada araw ay makatutulong sa pagbawas ng konsumo ng kuryente, gastos ng mga negosyo, at pagsuporta sa national energy conservation efforts.
“Reducing operating hours even by two or three hours daily could significantly lower electricity consumption, reduce operational expenses for businesses, and contribute to national energy conservation efforts,” dagdag niya.
Nilinaw ni Almario na hindi ito “not anti-business” at layunin nitong isulong ang episyenteng paggamit ng enerhiya at responsableng paggastos sa gitna ng pandaigdigang presyon sa energy markets.
Ilang mall na rin ang nag-anunsyo ng mas maikling oras ng operasyon at pansamantalang pagsasara ngayong Holy Week. RNT
