CAVITE, Philippines – Isang 42-anyos na lalaki ang sinaksak ng isang jungle knife ng kanyang kasamahan sa gitna ng mainitang pagtatalo habang nag-iinuman sa Imus City, Cavite
Sa report, naisugod pa sa Medical Center Imus ang biktimang si alyas Rob, may-asawa, residente ng Brgy San Roque, Dasmarinas City, Cavite subalit namatay habang ginagamot dahil sa tindi ng tinamong saksak sa dibdib habang mabilis namang tumakas ang suspek na si alyas Mel, 34, isa ring Mananahi ng Sta Cristina II, Dasmarinas City, Cavite.
Batay ulat ng pulisya, bandang alas-12:30 ng hapon nag-iinuman ang biktima, suspek at dalawa pa na kasamahan nito sa trabaho sa B1 L43 Phase 3, Barcelona Subd., Brgy Buhay na Tubig, Imus City, Cavite nang habang nasa kalagitnaan ng kanilang inuman ay nagkaroon ng mainitang pagtatalo sa pagitan ng dalawa na na nauwi sa pananaksak ng suspek sa biktima.
Patuloy naman ang follow up operation ng kapulisan sa tumakas na supek na magpahanggang ngayon ay nakalalaya pa. MARGIE BAUTISTA
