MANILA, Philippines- Iniimbestigahan ng Naga City Police Office (NCPO) ang marahas na fraternity initiation na nahagip sa video, kung saan labis na binugbog ang isang estudyate ng mga kapwa nito mag-aaral.
Makikita sa isang video ang isang estudyante mula sa Naga City na naka-blindfold habang ginugulpi ng ibang mag-aaral.
Halos hindi na makatayo ang biktima matapos ang panggugulpi.
Hindi pa natutukoy ang eksaktong lokasyon ng insidente, subalit hinihinalang naganap ito sa initiation o welcome rites ng isang fraternity.
Natanggap na ng NCPO ang video at kasalukuyang iniimbestigahan ang insidente.
“Igwa na pong nangyaring coordination an satong WCPD (Women and Children Protection Desk) ta mga minors ito sa eskwelahan na involved,” pahayag ni PMaj. Alex Sumayao, Station Commander ng NCPO Station 3.
“And sa ngonian po nasa process sinda ning pag-conduct ning imbestigasyon an eskwelahan,” dagdag ni Sumayao.
Tinukoy naman ng paaralan ang mga estudyanteng sangkot sa video na pinaniniwalaang nasa Junior High School level.
Kinondena ng nasabing eskwelahan ang marahas na aksyon, iginiit na walang lugar sa institusyon ang mga ganitong asal.
Maaaring mapatalsik ang mga estudyanteng sangkot sa insidente, depende sa resulta ng gumugulong na imbestigasyon.
Nakikipag-ugnayan naman sa mga awtoridad ang isa pang paaralan na pinapasukan ng isa sa mga estudyanteng dawit sa video.
Kasalukuyang sumasailim ang mga estudyante sa psycho-social at emotional intervention upang tugunan ang naranasan nilang trauma.
Samantala, inihayag ng Department of Education (DepEd) sa Naga City ang pagkondena nito sa insidente.
“Ini po ay kinokondenar po ini kan satuyang department, dae po ini pigtotolerate kan satuyang department,” pahayag ni Fernando Macaraig, Assistant Schools Division Superintendent (ASDS) ng Naga City Schools Division Office (SDO).
“Igwa po kita nin mga issuances, igwa kita nin republic adagdag niya. RNT/SA
