Naghain ng kandidatura si Sagip Partylist Rodante Marcoleta sa pagka-Senador sa huling araw ng COC filing ngayong Martes, Oktubre 7. CESAR MORALES
MANILA, Philippines- Dapat ding saklawin ng congressional inquiries sa confidential funds ang iba pang ahensya ng pamahalaan, ayon kay Sagip party-list lawmaker at Senate bet Rodante Marcoleta nitong Miyerkules.
Ito ang tugon ni Marcoleta nang tanungin ukol sa posisyon ng House good government and public accountability probe sa confidential funds ni Office of the Vice President (OVP) Sara Duterte and the Department of Education (DepEd) sa ilalim ng panunungkulan ni Duterte bilang Education chief.
“I am not in favor of that [the Vice President being singled out] because the public would think that the probe is just being done out of politicking, that we [in Congress] are taking it personal,” pahayag ni Marcoleta sa isang panayam.
“There are other government offices with confidential fund, why single out a certain office?… Kapag isa lang ang tinarget mo at alam naman natin na ang tinarget mo ay kalaban sa politika, sapagkat iyong presidential election [ay] nandiyan na sa horizon, mag-iisip ang taong bayan na politika lang ito,” dagdag ni Marcoleta.
Binigyang-diin ni Marcoleta na ang pagbusisi sa confidential fund allocation ng mga ahensya ay dapat ipaubaya sa Commission on Audit at hindi sa mga mambabatas.
“Maybe we are usurping the very authority and mandate of the Commission on Audit,” ani Marcoleta.
Si Marcoleta ay tumatakbong senador sa May 2025 polls bilang isang independent candidate. RNT/SA