MANILA, Philippines – Pinayagan si Senador Rodante Marcoleta na magkaroon ng dalawang bisita sa Philippine National Police General Hospital (PNPGH) batay na rin sa hiling nito, sinabi ng Philippine National Police Criminal Investigation and Detection Group (CIDG) nitong Biyernes, Hulyo 10.
Ayon kay Col. John Guiagui, CIDG Metro Manila unit director, si Marcoleta, na nananatiling naka-confine sa PNPGH mula nang arestuhin noong Hulyo 6, ay partikular na humiling na mabisita nina Vice President Sara Duterte at Sen. Robinhood “Robin” Padilla, bukod sa kanyang legal counsel.
“So many people wanted to visit – supporters, friends, allies, and relatives – but out of all of them, only two were granted permission, Vice President Sara Duterte and Senator Robin Padilla… This was a personal request from Senator Marcoleta, for those wanting to visit him, in addition to his legal counsel and attorneys,” sinabi ni Guiagui.
Mahigpit na sinusunod ng CIDG ang visitation procedure at pinapayagan lamang ang dalawa bilang respeto sa hiling ni Marcoleta at pagpayag na rin ni CIDG Director Police Major General Robert Alexander Morico II.
“We are implementing this restriction because it was a personal request from Senator Marcoleta, which was approved by our CIDG Director, Police Major General Moreno,” paliwanag pa ni Guiagui.
Sa pagdinig sa medical condition ni Marcoleta, kinwestyon ng Sandiganbayan ang PNPGH sa pagpayag sa mga bisita habang naka-confine ang senador dahil sa mild pneumonia.
“We will further restrict his/her visitors and strictly control who is allowed to enter his room,” pagtatapos ni Guiagui. RNT/JGC
