MANILA, Philippines – Dumami ang mga barko ng Chinese maritime militia (CMM) sa bisinidad ng Ayungin Shoal sa West Philippine Sea, ayon sa datos ng Philippine Navy nitong Martes, Agosto 20.
Ayon sa PN, nasa kabuuang 41 barko ng CMM ang namataan sa bisinidad ng Ayungin Shoal mula Agosto 13 hanggang 19.
Noong Agosto 6 hanggang 12 ay mayroon lamang anim na CMM vessels.
“I don’t want to speculate about their presence in Ayungin Shoal,” sinabi ni Rear Admiral Roy Vincent Trinidad, navy spokesperson for the West Philippine Sea, nang tanungin kung ano ang posibleng dahian ng pagdami ng mga barko sa Ayungin. RNT/JGC
