MANILA, Philippines – Itinaas ng Department of Environment and Natural Resources (DENR) ang wildfire prevention nito sa maximum alert status sa buong bansa kasabay ng pagdating ng “Very Strong” El Niño dahil sa matinding init at pagkatuyo ng mga pananim.
Sinabi ni Environment Secretary Juan Miguel “Mitch” Cuna na naglabas na ang mga regional office ng comprehensive interventions kabilang ang total park closures, fireline construction, at patuloy na foot patrol para protektahan ang mga kritikal na ecosystem mula sa mga banta ng sunog.
“Our decision to deploy dedicated Bantay Gubat patrols and build firelines in high priority areas reflects our firm commitment to prevent wildfires. We call on all citizens, farmers, and local leaders to observe strict bans on open burning and kaingin,” ani Cuna.
Noong Hunyo 2026, lumahok ang mga DENR forester sa simulation exercises kasama ang mga eksperto ng BFP sa Environment and Natural Resources Academy sa Nueva Ecija.
Nananatili namang naka-standby ang DENR Quick Response Teams (QRTs) 24/7 sa lahat ng regional offices para umasiste sa local fire authorities.
“Protecting our forests from fire is a shared national duty,” giit ni Cuna. RNT/JGC
