MANILA, Philippines – Hinimok ni Mayor Alfred Romualdez ng Tacloban City, ang pamahalaan na humingi ng second opinion kaugnay sa structural condition ng San Juanico Bridge kasunod ng desisyon ng Department of Public Works and Highways (DPWH) na magpatupad ng 3-ton weight limit sa naturang istruktura.
Ani Romualdez, naniniwala siyang kailangan ang hiwalay na assessment mula sa independent experts bago gumawa ng anumang long-term decisions na makaaapekto sa regional mobility at komersyo.
Tinatayang aabot sa P600 milyon ang economic losses ng rehiyon dahil sa limitadong trapiko sa naturang tulay na nag-uugnay sa Samar Islands at Leyte.
“I believe we need a second opinion regarding the structural integrity of the San Juanico Bridge. We may be overreacting,” sinabi ni Romualdez sa isang panayam.
“Before making a decision, we should consult other experts. Just like when we’re sick—we seek a second opinion,” dagdag pa.
Dahil ang tulay ay itinayo sa tulong ng Japanese company at mga engineer nito, sinabi ni Romualdez na mainam na ikonsidera ang pagkonsulta sa Japanese experts at institusyon na sangkot sa orihinal na konstruksyon.
Ipinasusuri rin ni Romualdez ang ipinatutupad na weight restrictions.
“Maybe empty trucks could be allowed to cross. They could be given specific schedules and speed limits to ensure safety.” RNT/JGC
