Messi out sa WC Qualifiers ng Argentina

BUENOS AIRES, Argentina — Hindi maglalaro si Lionel Messi sa susunod na dalawang World Cup qualifiers ng Argentina dahil sa injury.

Inanunsyo ni Argentina coach Lionel Scaloni ang kanyang 28-man squad noong Lunes para sa mga laban laban sa Chile noong Setyembre 5 at Colombia makalipas ang limang araw.

Si Messi ay nagpapagaling pa mula sa pinsala sa kanang bukung-bukong.

Wala rin sa listahan ang 36-anyos na si Ángel Di María, na nagretiro mula sa pambansang koponan matapos manalo sa kamakailang Copa America.

Ang World Cup champion Argentina ay nangunguna sa South American qualifying na may 15 puntos pagkatapos ng anim na laban.

Ang squad ay bubuuin ng mga sumusunod:

Goalkeepers: Walter Benítez (PSV Eindhoven), Gerónimo Rulli (Olympique Marseille), Juan Musso (Atalanta), Emiliano Martínez (Aston Villa).

Defenders: Gonzalo Montiel (Sevilla), Nahuel Molina (Atletico Madrid), Cristian Romero (Tottenham), Germán Pezzella (River Plate), Leonardo Balerdi (Olympique Marseille), Nicolás Otamendi (Benfica), Lisandro Martínez (Manchester United), Nicolás Tagliafico (Olympique Lyon), Valentín Barco (Brighton).

Midfielders: Leandro Paredes (Roma), Guido Rodríguez (West Ham), Alexis Mac Allister (Liverpool), Enzo Fernández (Chelsea), Giovani Lo Celso (Tottenham), Ezequiel Fernández (Al Qadisiya), Rodrigo de Paul (Atletico Madrid), Nico González (Fiorentina).

Forwards: Alejandro Garnacho (Manchester United), Matías Soulé (Roma), Giuliano Simeone, Julián Álvarez pareho (Atletico Madrid), Valentín Carboni (Olympique Marseille), Lautaro Martínez (Inter Milan) at Valentín Castellanos (Lazio).