Matapos ilunsad ng Lalamove ang #DeliveryHeroKoTo initiative bilang pagkilala sa sipag at dedikasyon ng kanilang mga partner drivers, buong sigla namang binida ng mga user ng delivery platform ang kanilang mga “Favourite Driver”. Anila, maituturing talagang “hero” ang karamihan sa mga ito, na bukod sa pagiging masigasig sa pasada ay nagbibigay din ng serbisyong de-kalidad, na malaking tulong para sa mga users.
Pagkilala sa mga Mahusay na Lalamove Partner Drivers
Wari’y talagang tumagos sa puso ng mga gumagamit ng Lalamove ang kampanyang #DeliveryHeroKoTo. Napakaraming Lalamove users ang agad na nagbida ng kanilang napusuang masipag na driver. Bayaning maituturing ang mga ito, dahil sa kanilang maingat at may malasakit sa paghatid ng package, na tinitiyak ang kasiyahan ng mga kostumer.
Bumaha sa social media ang mga kwentong nakakataba ng puso mula sa mga maliliit na negosyante tungkol sa kanilang mga paboritong Lalamove drivers.
Sa kanyang Facebook post, sabi ng isang business owner na si Lariza Garcia, “as an owner of a business, critical sa amin ang oras, dapat paspasan, sabi nga nila. Buti na lang may kaagapay ang gaya namin na mga SME pagdating sa logistics. Minsan kahit may sarili ka ng sasakyan, madami pa ding pagkakataon na Lalamove ang kapartner ko sa mga delivery and pick up. Napakahirap lalo na kung malayo ang destination o location ng mga transaction. Mahirap mag-ubos ng oras sa biyahe. Buti na lang may mga reliable na akong driver na maasahan. Mabilis makarating sa akin ang dokumento ko na kailangan kahit pa malayo. Tiwala din ako na makarating ang padala ko. Lalamove #DeliveryHeroKoTo pays tribute sa mga rider ko na kahit gaano kadami ang padala o kahit ang daming drop off point eh maasahan mo. Thank you talaga mga kuya rider.”
Ayon naman sa mommy blogger na si Aci Bornea, “#Lalamove ang gamit ko sa pagsend ng prizes and giveaways, alam nyo yan! And now that I’m channeling the Mompreneur in me, @lalamoveph pa din ang gamit ko to deliver my stuff like: 1. Mga bagay-bagay na naiwan sa bahay, 2. Delivering orders from my online shop, 3. And my current favorite: their trucks. Madalas magamit for ingress/egress as an exhibitor sa mga school fairs, bazaar, mall events and the likes. Ang laking tulong talaga nito! Lalong lalo na kung matulungin pa ang driver!”
