MANILA, Philippines – Bukod sa mga aksyong protesta laban sa katiwalian na nakatakda sa EDSA People Power Monument at sa Luneta ngayong Linggo, Setyembre 21, ang mga organisasyon ay nagtakda rin ng mga katulad na demonstrasyon sa mga lungsod ng Cebu, Bacolod, at Iloilo sa gitna ng kontrobersya sa flood control projects.
Magkakaroon ng demonstrasyon sa Plaza Independencia sa Cebu City sa Linggo habang magkakaroon ng martsa mula sa Jaro Plaza hanggang sa kapitolyo ng probinsiya sa Iloilo City.
Mayroon ding nakatakdang rally sa public plaza sa Bacolod City.
Sa Davao City, magkakaroon din ng pagtitipon sa Freedom Park ang mga tagasuporta ni dating Pangulong Rodrigo Duterte. Gayunpaman, magsasagawa sila ng prayer rally para sa kanya. RNT/MND
