MANILA, Philippines – Ang Tropical Storm “Nando” (international name: Ragasa) ay patuloy na lumalakas habang tinatahak ang ibabaw ng Philippine Sea, na may babala ang state weather bureau noong Biyernes, Setyembre 19, na maaari itong mag-trigger ng Signal No. 5 sa Northern Luzon at palakasin ang habagat na magdadala ng malakas na pag-ulan at malakas na hangin simula ngayong weekend.
Sa 5:00am weather bulletin, namataan si Nando sa layong 780 km silangan ng Casiguran, Aurora, taglay ang maximum sustained winds na 100 km/h malapit sa gitna at pagbugsong aabot sa 125 km/h.
Kumikilos sa hilagang-kanluran sa bilis na 10 km/h, papalakasin ng Nando ang Southwest Monsoon (Habagat) habang papalapit ito sa landmass at magdadala ng malalakas na pag-ulan at malalakas na hangin, sabi ng PAGASA.
Nagbabala ang ahensya na maaaring itaas ang Tropical Cyclone Wind Signal (TCWS) No. 1 sa bahagi ng Northern Luzon ngayong Sabado ng umaga, Setyembre 20.
Ang pinakamataas na posibleng antas ng alerto na maaaring itaas sa panahon ng pagdaan ng bagyo ay ang Signal No. 5.
Kabilang sa mga lugar na posibleng makaranas ng malalakas na hangin ay ang Bicol Region, Eastern Visayas, at Caraga (Setyembre 20), at Calabarzon, Bicol Region, Visayas, Northern Mindanao, at Caraga (Setyembre 21).
Sinabi ng PAGASA, katamtaman hanggang sa maalon na karagatan ang iiral sa karamihan ng mga baybayin ng Luzon simula Sabado ng gabi.
Habang papalapit ang bagyo sa Extreme Northern Luzon, ang taas ng alon ay maaaring umabot ng hanggang 14 metro, at ang mga babala ng storm surge ay maaaring itaas sa mga baybayin ng Northern Luzon, babala ng PAGASA.
Sinabi ng PAGASA na si “Nando” ay inaasahang kikilos sa pangkalahatan hilagang-kanluran hanggang Sabado bago lumiko kanluran-hilagang-kanluran patungo sa Extreme Northern Luzon.
Nagbabala ang PAGASA na posibleng lumakas ang Tropical Storm Nando at maging isang super typhoon habang papalapit sa Babuyan Islands sa Setyembre 22 hanggang 23, 2025.
Sa track nito, ang bagyo ay maaaring dumaan malapit o mag-landfall sa Babuyan Islands sa pagitan ng Lunes ng hapon, Setyembre 22, at maagang Martes ng umaga, Setyembre 23.
“Nando will continue to intensify while over the Philippine Sea,” saad ng PAGASA. “It may reach typhoon category tomorrow and super typhoon by Monday before its close approach to the Babuyan Islands,” dagdag nito.
Si “Nando” ay tinatayang nasa 350 km kanluran ng Basco, Batanes, sa Setyembre 23, 2 p.m., bago umalis ng Philippine Area of Responsibility (PAR).
Hinikayat ng PAGASA ang mga residente ng Northern Luzon at ang silangang seaboards na maghanda para sa posibleng matinding hangin, pagbaha, at storm surge, at mahigpit na subaybayan ang mga update.
“Considering these developments, the public and disaster risk reduction and management offices concerned are advised to take all necessary measures to protect life and property,” ayon sa PAGASA. RNT/MND
