MANILA, Philippines – Sa kabila ng patuloy na pag-init ng El Niño sa maraming lugar sa bansa, hinimok ng state weather bureau PAGASA ang paghahanda para sa tag-ulan ng La Niña, lalo na sa mga lugar na madaling bahain.
“Ang dapat nating paghandaan, syempre, ‘yung ating mga flood-prone areas kung sakaling matuloy ang La Nina,” ani Analisa Solis, chief of the Climatology and Agrometeorology Division sa isang ulat.
Sa pagtataya ng PAGASA, maaaring magsimula ang La Niña phenomenon sa pagitan ng Hunyo at Agosto. Ito ay nauugnay sa higit sa normal na mga kondisyon ng pag-ulan sa huling quarter at mga unang buwan ng susunod na taon.
Ang kamakailang pagbaha sa Brazil at sa Dubai sa kabila ng mainit na panahon ay bunga ng pagbabago ng klima, sinabi ng grupong pangkapaligiran na Greenpeace. RNT
