MANILA, Philippines – Sasailalim sa preliminary investigation ang pamilya Villar kaugnay ng reklamo ng SEC laban sa Villar Holdings Corporation at iba pa matapos ang initial evaluation.
“Subpoena have been served upon the respondents,” ayon sa Department of Justice.
Ayon kay DOJ spokesperson Atty. Polo Martinez, may sapat na batayan upang umusad sa susunod na yugto ng imbestigasyon.
Sa ilalim ng proseso, tutukuyin ng Department of Justice kung may sapat na merito ang mga alegasyong inilahad ng Securities and Exchange Commission.
Binigyang-diin din na bibigyan ng pagkakataon ang lahat ng respondent na magsumite ng kanilang mga sagot at ebidensya bilang bahagi ng kanilang depensa.
Itinakda ang preliminary investigation sa ikatlong linggo ngayong buwan ng Marso. Jocelyn Tabangcura-Domenden
