BUTUAN- PATAY ang isang misis matapos ataduhin ng saksak ng kanyang mister na adik sa shabu sa hinalang may ibang lalaking kinalolokohan ang una sa lungsod na ito.
Kinilala ang biktimang si Carmela Enero, 25, habang tugis naman ang suspek at mister nitong si Joshua Cadiz, 28, taga Maynila at kapwa nakatira sa -5A Puting Bato Barangay Pinamanculan, Butuan City.
Batay sa report ng Butuan-PNP, bandang 10:05 PM nang maganap ang krimen sa nasabing lugar.
Lumabas sa imbestigasyon ng pulisya, madalas na nag-aaway ang mag-asawa dahil sa pagseselos ng suspek na nauwi sa pananaksak ng huli at mapatay nito ang asawa.
Mabilis naman tumakas ang suspek matapos ang krimen.
Sa pagresponde ng mga pulis sa lugar ng krimen nakapulot sila ng mga drug paraphernalia na posibleng gamit ng suspek sa pagsinghot ng shabu at kutsilyo na ginamit sa krimen./Mary Anne Sapico
