MANILA, Philippines- Itinaboy pa ng BRP Teresa Magbanua ang Chinese Coast Guard “monster ship” palayo sa baybayin ng Zambales, ayon sa Philippine Coast Guard nitong Linggo.
Sinabi ni PCG spokesperson for the West Philippine Sea Commodore Jay Tarriela na ang CCG-5901 ay kasalukuyang 117 nautical miles ang layo mula sa baybayin.
“The China Coast Guard monster ship, initially spotted 54 nautical miles from shore, has now been pushed back to approximately 120 nautical miles, due to the vigilance and professionalism of the Philippine Coast Guard (PCG) vessels,” ani Tarriela.
Pinalitan ng monster ship ang CCG-3304, na itinaboy din ng Teresa Magbanua.
Patuloy ang tensyon sa pag-angkin ng Beijing sa halos kabuuan ng South China Sea, saklaw ang West Philippine Sea.
Noong 2016, pinaboran ng international arbitration tribunal sa Hague ang Pilipinas hinggil sa claims ng China, subalit patuloy ang pagbalewala nito sa desisyon.
“The PCG is committed to preventing the normalization of the People’s Republic of China’s (PRC) illegal deployment of maritime forces in the region,” wika ni Tarriela. RNT/SA