MANILA, Philippines- Inanunsyo ng Metro Rail Transit 3 at dalawang linya ng Light Rail Transit ang suspensyon ng kanilang operasyon sa Mahal na Araw upang bigyang-daan ang kanilang annual maintenance activities.
Sa abiso, sinabi ng MRT 3 management na sususpendihin ang operasyon sa Maundy Thursday, April 17, hanggang Easter Sunday, April 20. Magbabalik-normal naman ang operasyon sa Lunes, April 21.
“MRT-3 will resume its normal operations on Monday, April 21, with its first train trips scheduled at 4:30 am from North Avenue Station, and 5:05 am from Taft Avenue Station,” saad sa abiso.
Gayundin, suspendido ang operasyon ng LRT 1 at LRT 2 mula April 17 hanggang 20 para sa maintenance works.
“All LRT-1 trains will undergo thorough testing and inspection before the normal operation of the entire line resumes on 21 April 2025 (Monday),” anang LRT-1 management.
Samantala, sinabi ng LRT-2 management na magbabalik ang regular operations nito sa April 21 ng alas-5 ng umaga. RNT/SA
