MANILA, Philippines- Inanunsyo ng Metro Rail Transit 3 (MRT-3) na simula ngayong Lunes, Abril 21, magtatalaga ito ng four-car trains tuwing rush hours para makapagserbisyo sa mas maraming biyahero.
Base sa MRT-3, tatlong four-car trains ang bibiyahe tuwing peak hours sa umaga at hapon, habang 16 tren ang magpapatuloy ng kasalukuyang three-car configuration.
Kada tren ay kayang magsakay ng 394 pasahero, nangangahulugang kasya sa four-car train ang mahigit 1,500 pasahero.
“Following the directives of the President to improve the daily plight of commuters, this move is part of MRT’s effort to ensure safe and comfortable travel while giving back time to commuters,” anang MRT-3 sa Facebook post. RNT/SA
