MANILA, Philippines – Mas gumanda at naging mas maayos ang itsura at pasilidad ng MRT-3 Quezon Avenue Station matapos ang rehabilitasyon, ayon sa Department of Transportation (DOTr).
Personal itong ininspeksyon ni DOTr Secretary Giovanni Lopez, na nagsabing mas maganda, mas maaliwalas, mas maluwag, at mas malinis na ngayon ang istasyon.
“Here in the new structure here at Quezon Ave. Station, it’s even more beautiful now, more airy, spacious and clean,” ani Lopez.
Ayon sa DOTr, maaaring mahikayat ang mas maraming motorista na mag-commute dahil sa mga pagbabagong ito, lalo na sa gitna ng tumataas na presyo ng langis.
Kabilang sa mga pagpapabuti ang mas malalaking way finders, mas malinis at maayos na comfort rooms, at mas mahusay na bentilasyon.
“We want passengers to be able to board more easily, find exit signs more easily, pay faster, and feel comfortable when riding the MRT-3,” dagdag niya.
Layunin ng rehabilitasyon na mapabuti ang karanasan ng mga commuter sa Metro Manila.
Noong Pebrero, lumagda ang Pilipinas at Japan sa loan agreement para pondohan ang proyekto, na nagkakahalaga ng hanggang ₱8.15 bilyon na may 0.8% interes at babayaran sa loob ng 40 taon. RNT/MND
