MANILA, Philippines- Nahuli ng Southern Police District (SPD) ang most wanted person ng Baguio para sa murder sa joint operation noong March 18.
Nagsilbi ng warrant of arrest para sa kasong murder ang joint operatives mula sa SPD District Special Operations, SPD District Intelligence Division, Intelligence Section of SPD District Mobile Force Battalion, Baguio police Station 7, Criminal Investigation and Detection Group (CIDG) Baguio, at ang Muntinlupa police laban kay alyas Mark.
Naaresto siya sa Lower Lourdes Subdivision, Barangay Happy Homes, Baguio.
Nakatala si Mark bilang top most wanted person ng Baguio police para sa unang quarter ng taon at ang No. 1 top most wanted person sa city level.
Ang warrant of arrest ay ipinalabas ni Presiding Judge Heherson Casareno ng Baguio Regional Trial Court Branch 7 noong March 18.
Dinala siya sa Baguio police station para sa dokumentasyon. RNT/SA
