Manila, Philippines – Sa interview ni Vice Ganda kay Nadine Lustre, sinabi ng aktres na marami siyang leksyon na natutunan sa pakikipagrelasyon sa kanyang ex.
Aniya, siya raw kasi iyong tipong bigay-todo pag nagmahal.
Gayunpaman, dahil na-feel daw niya na hindi na nasusuklian o nare-reciprocate ang ibinibigay niyang pagmamahal, nagiging “go signal” na raw ito para makipaghiwalay na siya sa ex.
So far, masaya naman daw siya sa kanyang naging desisyon at sa kanyang current boyfie.
Katunayan, sa boyfriend daw niyang si Christopher Bariou niya natagpuan ang hinahanap niya sa isang ideal guy.
Hirit pa niya, sinasabi raw niya na hindi na siya magdyodyowa kailanman kapag nagkahiwalay pa sila.
Kumbaga, ang Filipino-French businessman na raw ang itinuturing niyang endgame.
Naniniwala rin daw siya sa selebrasyon pero siya raw iyong tipong hindi nangangarap ng pabolosong wedding.
Kuntento na rin daw siya sa small but intimate gathering with close friends.
Pagdating din sa kasal, hindi raw siya atat dito pero kung darating daw naman ito sa buhay niya ay iwe-welcome niya.
Hindi rin daw niya bet na magkaanak dahil feeling niya ay hindi pa siya ready sa responsibilidad ng pagiging isang ina. Archie Liao
