MANILA, Philippines- Makararanas ang Terminal 3 ng Ninoy Aquino International Airport (NAIA) ng four-hour power supply interruption sa August 8 at 9 dahil sa maintenance works.
Makaaapekto ang scheduled outage mula alas-7 ng umaga hanggang alas-11 ng umaga sa south concourse at roadway 2 substations ng paliparan, ayon sa NAIA.
“This temporary power shutdown is necessary to facilitate essential maintenance and upgrades to NAIA Terminal 3’s electrical system, aimed at improving its overall reliability,” dagdag nito sa isang social media post.
“It is expected that the power interruption will have no impact to flight operations,” patuloy nito.
Sa power supply cut, sinabi ng NAIA na may nakahandang standby generators sa nasabing substations upang matiyak ang patuloy na suplay ng kuryente sa critical equipment.
“We apologize for the inconvenience as limited areas across Levels 1 to 3 of Terminal 3 south concourse will be affected by this interruption,” pahayag nito.
Ang mga apektadong bahagi ay ang Air Asia office, ilang lighting at outlets sa Boarding Gates 101-112, moving walkways at elevators sa Levels 2 at 3 ng International side, independent air conditioning systems para sa Boarding Gates 101-112 at passenger boarding bridges, ramp offices, at food at retail concessionaires sa Level 1. RNT/SA
