MANILA, Philippines – SINABI ni Pangulong Ferdinand Marcos Jr., na malapit ng maging world-class ang Ninoy Aquino International Airport (NAIA) dahil sa nagbabadyang ‘privatization’ sa pamamagitan ng partnership ng pamahalaan sa pribadong sektor.
“Once considered as among the worst and most stressful airports in the world, it will soon be a world-class international airport that we can be proud of,” ang sinabi ni Pangulong Marcos sa kanyang ikatlong State of the Nation Address (SONA) sa Batasang Pambansa sa Quezon City, araw ng Lunes.
Sa katunayan, ang San Miguel Corp.-led New NAIA Infra Corp. (NNIC) ang mangunguna sa operasyon at pagpapanatili ng ‘main gateway’ ng Pilipinas simula Setyembre, matapos na masungkit
P170.6 billion public-private partnership (PPP) modernization project para sa NAIA rehabilitation.
“Through the government’s partnership with the consortium, NAIA is now primed for revitalization,”ayon kay Pangulong Marcos.
Ang Manila International Airport Authority (MIAA) ang kasalukuyang operator ng paliparan.
“The NAIA PPP will go down in the country’s history, not only as among the largest and fastest approved PPP projects but one “that has set the bar in terms of openness, transparency and competitiveness of the process.” ang tinuran ng Punong Ehekutibo.
“Through the partnership with the private sector, NAIA is expected to improve its appearance and services starting next year,” aniya pa rin sabay sabing “Soon it will be capable of accommodating 48 flights per hour, servicing the ever-increasing local and international flight routes, and catering to more than 62 million passengers per year.”
“Thanks to Congress. The public-private partnership, as a crucial funding mechanism for big ticket-projects, is now institutionalized by force of law. PPP is seen to facilitate strategic investments and the timely development of projects under Build Better More program,” ayon sa Pangulo.
Nauna rito, kinilala naman ni Philippine News Agency, MIAA acting General Manager Eric Ines ang pangangailangan ng NAIA para maisapribado, tinukoy ang maraming bagay na dapat ayusin gaya ng ‘terminals, taxiways, runways, equipment, at lumang gusali.’
Inamin nito na maliit lamang ang budget ng MIAA kung saan nangangailangan ng malaking halaga ang pagsasaayos sa ‘main gateway’ ng bansa.
Ang kasunduan sa NNIC, nilagdaan noong March 18, sa simula ay saklaw ang 15 taon at maaaring mapalawig pa ng 10 taon.
Ang grupo ay binubuo ng San Miguel Holdings Corp., RMM Asian Logistics Inc., RLW Aviation Development Inc., at Incheon International Airport Corp., naipanalo ang PPP project sa pamamagitan ng pag-aalok ng mas malaking revenue share na 82.16% sa gobyerno.
Samantala, patuloy namang inaayos ng administrasyon ang iba pang paliparan sa iba’t ibang bahagi ng bansa para sa kapakinabangan ng mga pasahero.
Sinabi ni Pangulong Marcos na mahigit pa sa 70 airport at seaport development projects sa iba’t ibang lugar sa bansa ang kompleto na at 350 naman ang nagpapatuloy na proyekto na nakatakdang makompleto sa 2028.
Inihalimbawa ng Pangulo ang passenger terminal buildings ng General Santos Airport at Bicol International Airport, kung saan tumaas ng 300 at 500%, ngayon ay 2,000 at 1,600. Kris Jose
