Nasunugan sa Tondo, tinulungan ni Bong Go

MANILA, Philippines – Rumesponde si Senador Christopher “Bong” Go at namahagi ng tulong sa mga nasunugan mula sa Barangay 91 sa Tondo, Maynila noong Sabado.

“Sa mga nasunugan, huwag ho kayong mag-alala. Sabi ko nga sa inyo noon, ang gamit ay nabibili, ang pera ay kikitain, subalit ‘yung perang kikitain ay hindi po nabibili ang buhay. A lost life is a lost life forever. Pangalagaan at ingatan po natin ang buhay at kalusugan ng bawat isa,” sabi ni Go sa kanyang mensahe.

Binigyang-diin ni Senator Go na ang Bureau of Fire Protection (BFP) ay kasalukuyang sumasailalim sa isang modernization program na naglalayong pahusayin ang kakayahan at kahandaan nito sa pagtugon sa mga insidente ng sunog sa ilalim ng Republic Act No. 11589, o ang BFP Modernization Act of 2021 na pangunahin niyang iniakda at inisponsoran.

Idinaos sa Barangay 91 Hall, ang 264 apektadong pamilya ay nakatanggap ng mahahalagang tulong mula sa grupo ni Go tulad ng grocery packs, meryenda, kamiseta, lalagyan ng tubig, kutson, bentilador, bitamina, basketball, at volleyballs.

Bilang tagapangulo ng Senate committee on health and demography at isang health reforms crusader, ipinaalala ni Go sa mga benepisyaryo na humingi ng tulong sa Malasakit Centers na matatagpuan sa Tondo Medical Hospital, Philippine General Hospital, Dr. Jose Fabella Memorial Hospital, Jose R. Reyes Memorial Medical Hospital, at San Lazaro Hospital.

Ang Malasakit Center ay isang one-stop shop na idinisenyo upang i-streamline ang mga programa sa tulong-medikal mula sa iba’t ibang ahensya ng gobyerno.

Tinitiyak nito na ang mga Pilipino ay maaaring makakuha ng tulong-medikal upang malampasan ang pinansiyal na pasanin sa mga gastos sa pangangalagang pangkalusugan.

Si Senator Go ang principal author at sponsor ng RA 11463, o ang Malasakit Centers Act of 2019, na nag-institutionalize sa Malasakit Centers program. Iniulat ng Department of Health na nakapagbigay na ng tulong ang Malasakit Center program sa mahigit 15 milyong Pilipino.

“Ilapit natin ang serbisyo ng gobyerno sa ating mga kababayan na higit na nangangailangan. Patuloy kaming magseserbisyo sa inyo dahil bisyo ko ang magserbisyo at ako ay naniniwala na ang serbisyo sa tao ay serbisyo ‘yan sa Panginoon, serbisyo ‘yan kay Allah,” idiniin ng senador. RNT