MANILA, Philippines – Susunduin na ng mga awtoridad ang nawawalang bride-to-be na si Sherra de Juan, ayon sa Quezon City Police District (QCPD) nitong Lunes ng hapon, Disyembre 29.
Matatandaan na si De Juan ay huling nakita 1:30 ng hapon noong Disyembre 10 malapit sa Commonwealth Avenue at Atherton Street sa North Fairview, Quezon City.
Nakatakda sana itong ikasal sa kanyang fiance na si Mark Arjay Reyes noong Disyembre 14.
“The personnel of QCPD PS 5 (Police Station 5 or Fairview), together with Sherra’s family, are on their way to safely and properly fetch her from her location,” sinabi ng QCPD sa social media post.
“More or less, it is a three-hour trip. She is expected to arrive here in Manila around 5 p.m. this afternoon,” dagdag pa.
Hindi naman sinabi ng QCPD ang eksaktong lokasyon ng nawawalang bride-to-be. RNT/JGC
