Kumamada si Luka Doncic ng 40-point triple-double, nagdagdag si LeBron James ng 30 puntos para angkinin ng bisitang Los Angeles Lakers ang 124-116 panalo laban sa Houston Rockets kahapon.
Matapos pasiglahin ni James ang 13-4 simula sa fourth quarter sa pamamagitan ng isang pares ng basket at dalawang assist, si Doncic ang pumalit upang isara ang isang sweep sa two-game set na kinabibilangan ng eight-point victory noong Lunes.
Sinundan ni Doncic ang isang go-ahead na 3-pointer ni Rui Hachimura gamit ang isa sa kanya na nagtulak sa Lakers sa 113-109 abante. Pagkatapos ay tumulong si Doncic sa mga alley-oop dunks kina Hachimura at James bago siya nag-drill ng stepback 3 na nagpalawak ng lead sa 120-111 may 58.4 segundo ang natitira.
Nagposte si Doncic ng 40 points, nine rebounds at 10 assists at nagpako ng pitong 3-pointers, habang si James ay nagtapos ng 13 sa 14 mula sa field. Sina Deandre Ayton (16 points) at Austin Reaves (14 points, eight assists) ay nag-round out ng balanseng atake na nagresulta sa pag-shoot ng Lakers ng 60.5%.
Nanguna si Alperen Sengun sa Rockets na may 27 puntos at 10 assists. Nagdagdag si Amen Thompson ng 26 puntos at 11 rebounds, habang umiskor ng tig-18 sina Kevin Durant at Jabari Smith Jr.
Nagtala sina James at Doncic ng tig-18 puntos sa first half. Nanguna si Thompson sa Houston na may 14 puntos sa break.JC
